2020 අගෝස්තු මස 11 වන අඟහරුවාදා - අද දවස ඔබට කොහොමද?

 මේෂ ලග්නය

අද දවසේ ඔබගේ අලුත් බලාපොරොත්තු ඇති වෙන අතර ඒවා හැකි වන දවසක් ලෙසින් හඳුන්වන්න පුළුවන්. පවුලේ කටයුතු වලට වෙනදාට වැඩිය වැඩි නැඹුරුතාවයක් ඇතිවන නිසා පවුලේ අය අතර සමගිය සහයෝගය වැඩි වෙන දවසක් ද වනවා. බුද්ධිය ඥානය පෙරදැරි කරගෙන කරනුලබන කටයුතු ඇති සාර්ථක අන්දමින් කර ගන්නට පුළුවන්. ස්නායූ ආශ්‍රිත රෝගපීඩා ආදියට ඉඩකඩ වැඩි. ඒ නිසා ඒ පිලිබඳ ඉතා සැලකිලිමත්ව කටයුතු කරන්න. ඔබේ සුබ වර්ණය වෙන්නේ අද දවසේ ල නිල් පැහැය.

වෘෂභ ලග්නය

අද දවස ඔබේ සිතේ සතුට වර්ධනය වන දවසක් ලෙසින් හඳුන්වන්නට පුළුවන්. පොතපත කියවීමට මෙන්ම අධ්‍යාපන කටයුතු වලට වැඩි නැඹුරුතාවයක් පෙන්නුම් කරන දවසක්. යුග ජීවිතය ආශ්‍රිතව ගත් කල අනපේක්ෂිත කරදර භාදක ඇති වන්නට හැකියාව පවතිනවා. ලේ දුෂ්‍යවීම් ලේ ආශ්‍රිත රෝගපීඩා ආදියට ඉඩකඩ තිබෙනවා. මේ පිළිබඳව සිතා බලා දවසේ කටයුතු අරම්බ්ග කරන්න. හැකියාවක් තිබේනම් උදෑසන 7.48 ට උතුරු දිශාවබලා ඔබගේ සුබ කටයුතු ආරම්භ කරන්න ඔබට එම කටයුතු වඩාත් සාර්ථක කර ගන්නට හැකි වෙවී.

මිථුන ලග්නය

අද දවසේ ඔබට උගත් බුද්ධිමත් අයගෙන් සහයෝගය නොඅඩුව ලැබෙන දවසක්. නිවාස ආශ්‍රිතව පවතී ගැටලුකාරී තත්වයන් මගහරවා ගන්නට ඔබට අද දවසේ හැකියාව ලැබේවි. පවුලේ සමගියට සහජීවනයට එතරම් සුබදායක තත්වයක් නෙමෙයි ගෙනදෙන්නේ. ඉවසීම උපේක්ෂාසහගත බව වැඩිවෙන තරමට තමයි ඔබට අද දවසේ හොඳ සාර්ථකත්වයක් දකින්නට ලැබෙන්නේ. ඒ වගේම තමයි අස්ථි ආශ්‍රිත රෝගපීඩා අදියට ද ඉඩ තිබෙන නිසා ඒ පිලිබඳ සැලකිලිමත් වෙන්න. කරන්නට බලාපොරොත්තුවන සුබ කටයුතක් උදෑසන 8.59 ට උතුරු දිශාව බලා ආරම්භ කරන්න ඔබට එය වඩාත් සාර්තක කර ගන්නට හැකි වේවි.

කටක ලග්නය

අද දවසේ ඔබ තරමක උදාකලා වන බවක් තමයි පෙන්නුම් කරන්නේ. පවුලේ අයගෙන් ඈත වී කටයුතු කිරීමට ඉඩකඩ තිබෙනවා. මේ නිසාවෙන් මානසික කනස්සල්ල මානසික පසුතවීම් ආදිය ඇති වන්නට පුළුවන්. අද දවසේ ඔබ අන් අයගේ ප්‍රශ්නවලට මැදිහත්වීමෙදී නම් කිහිපවරක් සිතා බලා කටයුතු කලයුතු වනවා. උදෑසන 10.36 ට කරන්නට තිබෙන සුබ කටයුතු කරන්නට ආරම්භ කළහොත් ඔබට එයින වඩාත් හොඳ ප්‍රතිපල ලබා ගන්නට හැකි වේවි.

සිංහ ලග්නය

අද දවස ඔබ ආගමික කටයුතු වලට වැඩි නැඹුරුතාවයක් ලබාදෙන දවසක් වෙනවා. ඔබට අද දවසේ බොහොම සාමකාමී අයුරින් වැඩ කටයුතු කරගෙන යාමේ පවතිනවා. ඒ වගේම වෘත්තීය කටයුතු වලට ව්‍යාපාර කටයුතු වලට අද දවසේ ඔබට සාර්ථක ප්‍රතිපල අත් කර ගන්නට පුළුවන්. ඒ වගේම අත්හදා බැලීම් වගේ දේ වලට නම් අද දවස එතරම් සුබ දවසක් නෙමෙයි. උෂ්ණාධික රෝගපීඩා වැනි දේ ඇති වීමට ඇති ඉඩකට වැඩී. අද උදෑසන 7.24 ට ඔබ කරන්නට ප්බලපොරොත්තු වන වැඩ කටයුතු ආරම්භ කරන්න. ඔබට අද දවස සාර්ථක දවසක් කර ගන්නට හැකියාව පවතිනවා.

කන්‍යා ලග්නය

අද දවස විශේෂයෙන් වෙනදාට වඩා ඔබ කායික ශක්තීන් වැඩිවන දවසක් ලෙසින් හඳුන්වන්න පුළුවන්. ඔබ ක්‍රීඩා කටයුතු වලට සම්බන්ද කෙනෙක් නම් අද දවසේ ඔබගේ ජයග්‍රහණ ඉතාමත් ඉහල මට්ටමක තමයි පවතින්නේ. ඔබ අද දවසේ අනුවනකම් බව දැන දැනත් සමහර අනුවන කටයුතු කරන්නට පෙළඹෙන බවක් තමයි පෙන්නුම් කරන්නේ. ඒ නිසා ඉතා බුද්ධිමත්ව කටයුතු කිරීම ඉතා වැදගත්. ඒ වගේම අස්ථි ආශ්‍රිත රෝග පීඩා වලටද ඉඩකඩ තිබෙනවා. ඔබේ අද දවසේ සුබ වෙලාව වෙන්නේ උදෑසන 8.58.

තුලා ලග්නය

අද දවසේ ඔබගේ බලාපොරොත්තු සාර්ථක කර ගන්නට දරන උත්සාහය මල්පල ගැන්වෙන දවසක් වෙනවා. අධ්‍යාපන කටයුතු වගේම වෘත්තීය දියුණුව වෙනුවෙන් යම් කටයුත්තක් කල් දමා තිබුනා නම් ඒවා සාක්ෂාත් කර ගන්නට ඔබට හැකියාව පවතිනවා. ලේ විෂවීම් විෂභීජ ශරීරගත වීම් වලට ඉඩ ඇති නිසා ඒ පිලිබඳ සැලකිලිමත් වෙන්න. උදෑසන 7.36 ට උතුරු දිශාව බලා ඔබේ කටයුතු අරඹන්න. ඔබට අද දවස වඩාත් සාර්ථක දවසක් බවට පත්කර ගන්නට පුළුවන්.

වෘශ්චික ලග්නය

අද දවස ඔබට තරමක් පීඩා ගෙනදෙන දවසක් වෙනවා. මේ නිසා අස්ථාන චෝදනා වලට ලක්වෙන්න අවස්ථාව තිබෙන නිසා කල්පනාකාරීව කටයුතු කරන්න. ඒ වගේම වෙහෙස මහන්සියකින් තොරව ආර්ථිකය වර්ධනය කර ගන්න කරනුලබන දේ නිසා නීති කරදර බාධා ඇතිවීමට ඉඩකඩ තිබෙනවා. පැරණි හිතවත්කම් අලුත්වන දවසක් ලෙසත් අද දවස හඳුන්වන්නට පුළුවන්කම තිබෙනවා. හැබැයි ඒ හිතවත්කම් වල සීමාව හොඳින් හඳුනාගෙන කටයුතු කිරීමද ඉතාමත් වැදගත් වෙනවා. උදෑසන 9.40 ට කරන්නට බලාපොරොත්තුවෙන වැඩ කටයුතු කරනවනම් ඔබට ඉන් සාර්ථක ප්‍රතිපල අත් කර ගන්නට හැකියාව තිබෙනවා.

ධනු ලග්නය

අද දවසේ ඔබට ප්‍රභල ධනහොග ඇතිකරන දවසක් වෙනවා. මේ නිසා ලොතරැයි වාසනාවක් බලන්න එහෙම අද දවස ඔබට ඉතාමත් සුබ දවසක්. කතාවේ බලයෙන් ඔබට අද දවසේ ජයග්‍රහණ රැසක් ඇත කර ගන්නට හැකියාව පවතිනවා. ඒ වගේම රසමුසු සහිත ආහාරවල භුක්තියත් අද දවසේ ඔබට ලබන්නට හැකියාව පවතිනවා. ඒ වගේම රැකී රක්ෂා ආශ්‍රිතව පවතින අර්බුධකාරී වටපිටාව මාවම කර ගන්නටත් ඔබට අද හැකියාව තිබෙනවා. ඔබේ අද දවසේ සුබ වෙලාව වෙන්නේ උදෑසන 8.48.

මකර ලග්නය

උසස් අධ්‍යාපානයේ යෙදී සිටින අයට ඉතාමත් සුබ පල අත් වන දවසක්. ඒ වගේම විදේශගත අධ්‍යාපන වලට විදේශගත පදිංචිවීම් වලට බලාපොරොත්තුවක් තිබුන නම් ඔබට අද දවසේ ඒ කටයුතු සාර්ථක කර ගන්නට හැකියාව තිබෙනවා. ඒ වගේම තමයි මෙතුවක් කල් ඔබට අපහසු වුන අභියෝග ජයග්‍රහන බවට පත් කර ගන්නටත් ඔබට හැකියව තිබෙනවා. ඔබට වම් පාද අශ්‍රිත අබධතා ඇති වීමේ ඉඩකඩ ද පවතිනවා. ඔබේ සුබ වෙලාව වෙන්නේ උදෑසන 7.47. උතුරු දිශාව බලා කටයුතු අරඹන්න ඔබට අද දවස සාර්ථක කර ගන්නට හැකියාව තිබෙනවා.

කුම්භ ලග්නය

ඔබට අද දවසේ රෝගී තත්වයන් තිබුනා නම් ඒ තත්වයන් මගහරවා ගන්නට ඔබට හැකියාව තිබෙනවා. ඒ වගේම දුවා දරුවන් පිලිබඳ සතුටු වීමේ කරුණු කාරණා යෙදෙන්නට පුළුවන්. දේපල ආශ්‍රිත දියුණුවටත් අද දවස සුබ දවසක් ලෙසින් හඳුන්වන්නට පුළුවන්. වෙනදාට ඔබට ගැනීමට නොහැකි වූ තීන්දු තීරණ පිළිබඳව ඔබට ස්ථීර තීරණ පහසුවෙන් ගන්නට හැකියාව ලැබෙන දවසක් වෙනවා. නිධන්ගත රෝග පීඩා වෙති වීමට ඇති ඉඩකඩ වැඩි නිසා තෙල් සහ සීනි සහිත ආහාර ගැනීමෙන් වලකිනවානම් සුබයි. උදෑසන 8.58 ට ඔබේ සුබ කටයුතු අරඹන්න.

මීන ලග්නය

පවුලේ සමගියට පසුගිය කාලයේ පැවතුන බාධක මගහැරී යන කාලයක්. පවුලේ අය සමග සතුටුසාමීචියේ යෙදෙන්න විනෝද වෙන්න වැඩි පුර කාලය යොදවන දවසක් වෙනවා අද දවස. ඒ වගේම කෙතරම් කරදර බාධා තිබුනත් ඒවා මග හරවාගෙන අද දවසේ වැඩ කටයුතු ඔබට සාර්ථක ලෙස නිම කර ගන්නට ඔබට හැකියාව තිබෙනවා. මුදල් ආයෝජන වලදී ඒවායින් හොඳ ප්‍රතිපල ලබා ගන්නටත් ඔබට පුළුවන්. ලේ විෂවීම් චර්මරෝග පීඩා වලට ලක්වීමට ඉඩ තිබෙන නිසා ඒ පිලිබඳ කල්පනාවෙන් කටයුතු කිරීම වැදගත් වෙනවා. ඔබේ සුබ කටයුතු උදෑසන 9.34 ට ආරම්භ කිරීමෙන් ඔබට වඩාත් හොඳ ප්‍රතිපල ලබා ගන්නට හැකියාව පවතිනවා.

Share:

2020-08-09 ලොතරැයි ප්‍රතිඵල

 

Share:

2020-08-08 ලොතරැයි ප්‍රතිඵල

 

Share:

2020-08-08 ලොතරැයි ප්‍රතිඵල

 

Share:

මිරිස් වගාවේ පලිබෝධ හඳුනා ගනිමු.

මිරිස් කොල කොඩවීම

තවාන් අවධියේ සිට වගාවේ ඕනෑම අවස්ථාවක ඇති විය හැක. 

කොල කොඩ වීම ඇතිවිය හැකි ආකාර

පැල මැක්කා කූඩිත්තා හා මයිටාවා යන සතුන් ලපටි පත්‍ර වලින් යුෂ උරාබීමෙන්

සුදු මැස්සා මඟින් ව්‍යාප්ත වන වයිරසයක් නිසා

පැල මැක්කා (Scirtothrips dorsalis) 

මි.මීත 1ක් පමණ දිග ලා දුඹුරු පැහැති සිහින් කෘමියෙකි. 

හානිය 

වැඩුණු සතුන් හා ශිශුවන් මිරිස් පත්‍ර වල උඩු පැත්තේ සිට යුෂ උරා බීම නිසා පත්‍ර දාර දිගේ උඩ අතට රෝල් වේ. 

හානියට ලක්වූ පත්‍ර පළමුව දිළිසෙන සුළු රිදී පැහැයක් ගෙන පසුව දුඹුරු පැහැවේ. 

හානියට ලක් වූ මිරිස් කරල් වල දුඹුරු පැහැති සළකුණු දැකිය හැකි අතර කරල් කෙටි වී ඝනවී දුර්වර්ණ වී යයි. 

වියළි කලාපය තුළ මිරිස් කොල කොඩවීම යල කන්නයේ ජූලි - අගෝස්තු මාස වලදී බහුල ලෙස දැකිය හැකි අතර එම මාස වල පවතින අධීක උෂ්ණත්වය හා තද සුළං මෙයට හේතු කාරක වේ.

මයිටාවන් (hemitarsonemus latus) 

පියවි ඇසින් පැහැදිලිව දැක ගැනීමට අපහසු ඕවලාකාර ලා දුඹුරු පැහැති සතෙකි. 

හානිය

මිරිස් පත්‍රයේ යටි පැත්තේ සිට යුෂ උරා බොන අතර ඒ හේතුවෙන් පත්‍ර දාර දිගේ යටි අතට රෝල්වේ. 

පත්‍ර වල යටි පෘෂ්ඨය ක්‍රමයෙන් දුඹුරු පාට වේ. 

හානිය අධීක වූ විට පත්‍ර ඝනකමින් වැඩි වී ඉක්මනින් කැඩෙන සුළු තත්වයට පත් වේ. 

හානියට ලක් වූ කරල් විකෘති වී මළකඩ පැහැයක් ගනී.

කූඩිත්තන්

මි.මී. 1 -2 ක් පමණ විශාල, කළු පැහැති (Aphis gossypii) හා මි.මී. 1.25 – 2.5 ක් පමණ විශාල කහමය කොළ පැහැති (Myzus persicae)  විශේෂ දෙක මිරිස් වගාවට හානි කරයි. 

හානිය 

මෙම සතුන් සමූහ වශයෙන් පත්‍ර වලින් හා කඳෙහි යුෂ උරා බීම නිසා පත්‍ර කෝප්පාකාර හැඩයට හැරී කහ පැහැ වේ. 

පැළ වල වර්ධනය අඩු වන අතර සිහින් කරල් හට ගනී. 

සුදුමැස්සා (Bemisia tabaci)

මි.මී. 1ක් පමණ දිග සුදුමැස්සා මිරිස් කොළ කොඩවීමේ වෛරස් රෝගය පතුරුවා හරින වාහකයා වේ. 

හානිය 

හානියට ලක් වූ මිරිස් පැල වල පත්‍ර කහ පැහැ වේ. බෝට්ටුවක ආකාර ගනී. 

නාරටි පැහැදිලි වේ. 

පර්ව අතර පරතරය අඩු වේ. 

ශාක කුරු වී පඳුරු ආකාරයට වර්ධනය වේ. 

මිරිස් කොළ කොඩවීම පාලනය 

හොඳ ගුණාත්මයෙන් යුත් බීජ තෝරා ගැනීම 

තවාන් පාලනය ක්‍රමවත්ව සිදු කිරීම මගින් දිරිමත් පැළ ලබා ගැනීම.

වගාව නියමිත කාලයට සංස්ථාපනය කිරීම. යල කන්නය මාර්තු මස මුල වන විට තවාන් ආරම්භ කර අප්‍රේල් මසදී භෝගය ක්ෂේත්‍රයේ පිහිටුවීම කළ යුතුයි. 

සුළං බාධක භෝග ලෙස බඩඉරිඟු, කුරක්කන් වැනි භෝගයන් ක්ෂේත්‍රයට වටා සිටුවීම.

යූරියා පොහොර විශාල වශයෙන් වගාවට නොයොදා නිර්දේශීග පොහොර භාවිතා කිරීම. 

වසුන් යෙදීම

ජලය ඉසීම

ඇලෙන සුළු උගුල් භාවිතය

නිර්දේශීත කෘමිනාශක භාවිතය

පැල මැක්කන්, කූඩිත්තන් සහ සුදු මැස්සන් සඳහා 

ඉම්ඩක්ලොප්‍රීඩ් 20 එස්.එල් 500 – 750 මිලි/හෙක්

ෆිප්රොනිල් 5එස්.සී 500 මිලි/හෙක්

කාබොසල්ෆාන් 20ඊ.සී 1400 මිලි/හෙක්

ෆොසලොන් 35ඊ.සී 1200-1800 මිලි/හෙක්

ඇබමෙක්ටින් 1.8ඊ.සී 300 මිලි/හෙක්

තයමෙතොක්සාම් 25ඩබ්.ජී 10 ග්‍රෑම්/16 ලීටර්

මයිටාවන් සඳහා

සල්ෆර් 80% කුඩු 2.8 – 3.6 කි.ග්‍රෑම්/ හෙක්

ඇබමෙක්ටින් 1.8 ඊ.සී  300 මිලි/හෙක්

කරල් විදින දළඹුවන්

මිරිස් වගාවට Spodoptera litura හා Helicoverpa armigera යන විශේෂ දෙකම හානිකරයි.

Spodoptera litura

සුහුඹුලා ම්‍ධ්‍යම ප්‍රමෙණයේ සලබයෙකි. 

පූර්ව පියාපත් වල දුඹුරු ලප සහිත වන අතර අපර පියාපත් සුදු පාටය

වැඩුනු කීටයන් ලා අළු පාට හෝ කළු පැහැයට හුරු කොල පාට වන අතර ශරීරයේ ඉදිරිපස කළු පටියක් ඇත.

මි.මී. 40 – 50 පමණ දිගය.

Helicoverpa armigera

සුහුඹුලා දුඹුරු පැහැති සලඹයෙකි. 

කීටයා විසින් බෝගයකට හානි කරනු ලබන අතර මි.මී. 40 – 50 ක් පමණ දිගැතිය. පාර්ශ්වික ව ලා සහ තද පැහැති ඉරි වලින් සමන්විතය.;

හානිය

දළඹුවන් පත්‍ර, අංකුර, කරල් ආහාරයට ගනී.

හානි වූ කරල් වල රවුම් සිදුරු දක්නට ලැබේ. 

හානිය පාලනය

ක්ලෝෆ්ලුඑසියුරෝන් 5ඊ.සී 750 මිලි/හෙක්

තයෝඩ්කාබ් 375එස්. සී 750 – 1250 මිලි/හෙක්

තයෝඩිකාබ් 75%කුඩු 1කි.ග්‍රෑම්/හෙක්


Share:

2020-08-07 ලොතරැයි ප්‍රතිඵල

 

Share:

2020-08-06 ලොතරැයි ප්‍රතිඵල

 

Share:

දියවැඩියාව වැළඳීමට හේතු මොනවාද?

දියවැඩියාව වැළඳීමට හේතු මොනවාදැයි විමසා බැලීමට පෙර, අපගේ ශරීරය ග්ලූකෝස් නැමැති සීනි වර්ගය හසුරුවන යාන්ත්‍රණය සරළව වටහාගැනීම වැදගත් වේ. එහිදී, මිනිස් සිරුර තුළ ග්ලූකෝස් වල කාර්යභාරය සහ ඉන්සියුලින් (Insulin) නැමැති හෝමෝනයේ ක්‍රියාකාරීත්වය පැහැදිලි කරගත යුතුය. එවිට, දියවැඩියාව වැළඳීමට හේතු හඳුනාගැනීම පහසු වේ.

ඉන්සියුලින් හෝමෝනය ක්‍රියාකරන්නේ කොහොමද?

ඔබේ ආමාශයට පිටුපසින්, එයට මදක් පහලට වන්නට අග්න්‍යාශය හෙවත් ඇලදිව (Pancreas) ලෙසින් හඳුන්වන ග්‍රන්ථියක් ඇත. ඉන්සියුලින් නිෂ්පාදනය කර රුධිරයට නිදහස් කරන්නේ මෙම අග්න්‍යාශය මගිනි. එසේ ශ්‍රාවය කරන ඉන්සියුලින් හෝමෝනය මගින් රුධිරයේ ඇති ග්ලූකෝස්, ශරීරයේ ඇති සෛල වලට ඇතුළු කරවනු ලැබේ. එමනිසා, ඉන්සියුලින් වලට රුධිරයේ ඇති ග්ලූකෝස් මට්ටම අඩුකිරීමට හැකියාව ඇත. රුධිරයේ ඇති ග්ලූකෝස් මට්ටම ඉහල යත්ම, අග්න්‍යාශයේ නිපදවෙන ඉන්සියුලින් ප්‍රමාණය වැඩිවන අතර, රුධිරයේ ඇති ග්ලූකෝස් මට්ටම ක්‍රමයෙන් අඩුවන විට, එයට සමගාමීව ඉන්සියුලින් නිපදවන ප්‍රමාණයද ක්‍රමයෙන් අඩුවේ.

අපගේ ශරීරය තුළ ග්ලූකෝස් වල කාර්යභාරය කුමක්ද?

ග්ලූකෝස් යනු සීනි වර්ගයකි. ආහාරයේ ඇති ඕනෑම කාබෝහයිඩ්‍රේටයක් ශරීරයට අවශෝෂණය කරගන්නේ ග්ලූකෝස් ආකාරයටය. ශරීරයේ ඇති මාංශ පේශි වල සහ අනෙකුත් පටක වල ඇති සෛල වල ක්‍රියාකාරීත්වයට අවශ්‍ය ශක්තිය සපයන ප්‍රභවය, ග්ලූකෝස් වේ. රුධිරයට ග්ලූකෝස් ලැබෙන ප්‍රධාන ප්‍රභව දෙකක් ඇත. ඒවා නම්, ආහාර සහ අක්මාවයි. ආහාර ජීර්ණය වීමේදී, එහි ඇති කාබෝහයිඩ්‍රේට, ග්ලූකෝස් ලෙස රුධිරයට අවශෝෂණය වන අතර, ඉන්සියුලින් වල ක්‍රියාකාරීත්වය හේතුවෙන් ග්ලූකෝස් සෛල තුළට ඇතුළු වේ. ඔබේ අක්මාවටද රුධිරයේ ඇති ග්ලූකෝස්, ග්ලයිකොජන් ලෙස ගබඩාකර තබාගත හැක. අවශ්‍ය විටෙක, අක්මාව ග්ලයිකොජන් වලින් නැවත ග්ලූකෝස් නිපදවයි.

ඔබගේ රුධිරයේ ඇති ග්ලූකෝස් මට්ටම පහල වැටුනහොත්, ඔබේ අක්මාව ගබඩාකර ඇති ග්ලයිකොජන් බිඳ දමමින් ග්ලූකෝස් නිපදවයි. උදාහරණයක් ලෙස, ඔබ දිගු කාලයක් නිරාහාරව සිටියහොත්, එසේ සිදුවේ. මෙම ක්‍රියාවලිය මගින්, රුධිරයේ ඇති ග්ලූකෝස් මට්ටම, සාමාන්‍ය පරාසයක පවත්වා ගනී.

පළමු වර්ගයේ දියවැඩියාව (Type 1 diabetes mellitus) වැළඳීමට හේතු මොනවාද?

දියවැඩියාව රෝගයේ එක් ආකාරයක් ලෙස පළමු වර්ගයේ දියවැඩියාව හැඳින්විය හැක. සැබැවින්ම, පළමු වර්ගයේ දියවැඩියාව වැළඳීමට නියම හේතුව තවමත් පැහැදිලි නැත. දැනට අනුමාන කරන හේතුව ලෙස, සාමාන්‍යයෙන් බැක්ටීරියා, වෛරස වැනි රෝගකාරක විනාශ කරන, අපගේ ශරීරයේ ඇති ප්‍රතිශක්තිකරණ පද්ධතිය (Immune system) විසින් අග්න්‍යාශයේ ඇති ඉන්සියුලින් නිපදවන සෛල වලට පහර දී විනාශ කිරීම දැක්විය හැක. එහිදී, ඉන්සියුලින් නිපදවීම අඩපණවීම හෝ සම්පූර්ණයෙන්ම නැවතීම සිදුවේ. එමනිසා, සෛල තුළට ඇතුළුවීම වෙනුවට, රුධිරයේ ග්ලූකෝස් එකතුවීම නිසා ග්ලූකෝස් මට්ටම ඉහලයාම සිදුවේ.

මෙසේ, පළමු වර්ගයේ දියවැඩියාව වැළඳීමට පරම්පරාවෙන් පරම්පරාවට ගමන්කරන ජාන සහ වෙනත් පරිසර සාධක වල සාමූහික එකතුවක් බලපාන බවට අනුමාන කලද, ඒවා ක්‍රියාත්මක වන යාන්ත්‍රණය තවමත් නිසි ලෙස හඳුනාගෙන නැත.

පූර්ව-දියවැඩියාව (Prediabetes) සහ දෙවන වර්ගයේ දියවැඩියාව (Type 2 diabetes mellitus) වැළඳීමට හේතු මොනවාද?

දෙවන වර්ගයේ දියවැඩියාව වැළඳීමට වහාම පෙර අවධියක් ලෙස පූර්ව-දියවැඩියාව හැඳින්විය හැක. පූර්ව-දියවැඩියාව යනු සාමාන්‍ය තත්ත්වයක් නොවන අතර, පූර්ව-දියවැඩියාව ඇති අයෙකුට දෙවන වර්ගයේ දියවැඩියාව වැළඳීමට වැඩි අවදානමක් ඇත. දෙවන වර්ගයේ දියවැඩියාව රෝගයේදී, ඔබේ ශරීරයේ සෛල ඉන්සියුලින් හෝමෝනයේ ක්‍රියාකාරීත්වයට ප්‍රතිරෝධයක් දක්වන අතර, එම ප්‍රතිරෝධය මර්ධනය කිරීමට තරම් ඉන්සියුලින් ප්‍රමාණයක් නිපදවීමට අග්න්‍යාශයද අපොහොසත් වේ. එමනිසා, රුධිරයේ ඇති ග්ලූකෝස් වලට සෛල තුළට ගමන් කිරීමට ඇති හැකියාව අඩුවන බැවින්, රුධිරයේ ඇති ග්ලූකෝස් මට්ටම ඉහලයාම සිදුවේ.

මෙසේ සිදුවන්නේ ඇයි දැයි තවමත් පැහැදිලි කරගෙන නැත. කෙසේ වුවත්, ඒ සඳහා ජානමය සහ පාරිසරික සාධක වල බලපෑමක් ඇතැයි අනුමාන කරයි. ශරීරයේ බර වැඩිවත්ම, දෙවන වර්ගයේ දියවැඩියාව වැළඳීමට ඇති අවදානමද සැලකිය යුතුලෙස ඉහල යන බව පෙනේ. නමුත්, දෙවන වර්ගයේ දියවැඩියාව වැළඳී ඇති සියල්ලන්ම ශරීරයේ බර වැඩි අය බවක් නොපෙනේ. දෙවන වර්ගයේ දියවැඩියාව වැළඳුනු ඇතැම් රෝගීන් සාමාන්‍ය බර හෝ අඩු බරක් සහිත අය වේ.

ගර්භණී අවධියේදී හටගන්නා දියවැඩියාව (Gestational diabetes) වැළඳීමට හේතු මොනවාද?

ගර්භණී අවධියේදී, දරුගැබ නිසි ලෙස පවත්වාගැනීම සඳහා වැදැමහ (Placenta) විසින් හෝමෝන නිපදවයි. මෙම හෝමෝන වලට ඔබේ ශරීරයේ සෛල තුළ ඉන්සියුලින් හෝමෝනයේ ක්‍රියාකාරීත්වය කෙරෙහි ප්‍රතිරෝධයක් ගොඩනැංවීමේ හැකියාව ඇත.

සාමාන්‍යයෙන්, ඔබේ අග්න්‍යාශය මෙම ප්‍රතිරෝධය මර්ධනය කිරීම සඳහා අමතර ඉන්සියුලින් නිපදවීම සිදුකරයි. නමුත්, ඇතැම් අවස්ථා වලදී අග්න්‍යාශයට දිගටම එසේ කිරීමට නොහැකි වේ. එවිට, රුධිරයේ ඇති ග්ලූකෝස් සෛල තුළට ගමන්කිරීම අඩුවන බැවින්, රුධිරයේ ග්ලූකෝස් මට්ටම වැඩිවේ.

අන්තර්ජාලය මගින් 

Share:

ඔබේ මුහුණේ කුරුලෑ ඇතිවීම ඔබට කරන පෙර අනතුරු ඇගවීමක්ද?


"Face mapping/මුහුණ සිතියම්ගත කිරීම",ඔබේ කුරුලෑ ඔබට කියන දේ දැනගන්න.

වසර සිය ගණනක් තිස්සේ චීනයේ කුරුලෑ හා සෞඛ්‍ය ගැටලු හඳුනා ගැනීම සඳහා Face mapping/මුහුණු සිතියම් ගත කිරීම භාවිතා කර ඇත. මෙම චීන පුරාණ වෛද්‍ය විද්‍යාව මගින් කුරුලෑ හා කුරුලෑ ඇතිවීමට හේතුව විසඳීම සඳහා සමස්ථ කුරුලෑ ප්‍රතිකාර භාවිතා කරයි.

එය විශ්වාස කළ නොහැකි බවක් පෙනෙන්නට තිබුණත්, කුරුලෑ මුහුණු සිතියම් මගින් ඔබේ සම සහ ඔබේ සමස්ත සෞඛ්‍යය පාලනය කර ගත හැකිය. බොහෝ චීන ඖෂධ පද්ධති නිර්මාණය කර ඇත්තේ හදවත, අක්මාව සහ වකුගඩු වැනි අභ්‍යන්තර අවයව සහ සම වැනි බාහිර අවයව අතර සහසම්බන්ධය සහ අන්තර් සම්බන්ධතාවය අවබෝධ කර ගැනීමටය. ඉතින්, කුරුලෑ සඳහා චීන මුහුණු සිතියම්ගත කිරීම ගැන ඔබ දැනගත යුත්තේ කුමක්ද? දැන් සොයා ගන්න!

👉Face mapping/මුහුණ සිතියම් ගත කිරීම කුමක්ද?

මුහුණු සිතියම්ගත කිරීම, මුහුණේ සමෙහි එක් එක් කොටස බිඳ දැමීමට/ බෙදීමට භාවිතා කරන අතර ඔබේ කුරුලෑ වලට හේතු විය හැකි අක්‍රමිකතා හෝ සෞඛ්‍ය ගැටළු මොනවාද යන්න තීරණය කිරීමට සහ කුරුලෑ සමඟ කටයුතු කිරීම සඳහා උපදෙස් ලබා දීමයි.

👉නිදසුනක් ලෙස,

🔹නිකටෙහි හටගන්නා කුරුලෑ සාමාන්‍යයෙන් හෝමෝන ගැටළු හා ඔසප් චක්‍රයේ ගැටලු පෙන්නුම් කරයි.

🔹නාසයේ,නාසය පහල හා ඇසි බැම් දෙපැත්තෙන් කුරුලෑ ඇතිවීම ඔබේ හෘද සෞඛ්‍යය හා සම්බන්ධ ගැටළු පෙන්නුම් කරයි.

🔹හකුවල හටගන්න කුරුලෑ ඔබගේ පෙනහලු හා සම්බන්ධ සෞඛ්‍ය ගැටලු පෙන්නුම් කරයි.

🔹ඇස් යට හටගන්නා කුරුලෑ මගින් ඔබගේ වකුගඩු හා සම්බන්ධ සෞඛ්‍ය ගැටලු පෙන්නුම් කරයි.

🔹ඇස් දෙපැත්තෙන් ඇතිවන කුරුලෑ ඔබගේ අක්මාවේ සෞඛ්‍ය ගැටලු පෙන්නුම් කරයි.

🔹නාසය දෙපැත්තෙන්, කට දෙපැත්තෙන් හා නලල මැද ඇතිවන කුරුලෑ මගින් ඔබගේ ආහාර ජීර්ණ පද්ධතිය හා සම්බන්ධ ගැටලු පෙන්නුම් කරයි.

🔹නලල දෙපැත්තෙන් ඇතිවන කුරුලෑ මගින් ඔබගේ මුත්‍රාශය හා සම්බන්ධ සෞඛ්‍ය ගැටලු පෙන්නුම් කරයි.

මෙහි මීලඟ කොටසේදී, අපි මුහුණේ එක් එක් ප්‍රධාන ප්‍රදේශය, චීන මුහුණු සිතියම්ගත කිරීම මත පදනම්ව, මෙම විවිධ වර්ගයේ කුරුලෑ වළක්වා ගන්නේ කෙසේද යන්න පිළිබඳව අපි විමසා බලමු.

1. ඔබේ ඇහිබැමට ඉහළින්

මෙම ප්‍රදේශයේ කුරුලෑ ඇතිවන්නේ නම් මේද හෝ සැකසූ ආහාර අඩු කිරීම ඉතා යෝග්‍යවේ.

2. ඔබේ ඇහිබැමි අතර

චීන වෛද්‍ය විද්‍යාවට අනුව, ඔබගේ ඇසිබැම අතර කුරුලෑ ඇතිවීම යන්නෙන් අදහස් කරන්නේ ඔබ අධික ලෙස මත්පැන් පානය කිරීම හෝ දුම් පානය කිරීම හෝ අධික ලෙස ආහාර ගැනීම විය හැකිය. එය ඔබගේ අක්මාවට බලපෑම් ඇතිකරයි. එබැවින් එම පුරුදු වලක්වාගන්නේ නම් ඉතා යෝග්‍යවේ.

3. ඔබේ නාසය මත, නාසය දෙපස හෝ නාසය පහල

ඔබේ නාසය ඔබේ හදවතට හා පෙනහලුවලට සම්බන්ධ වී ඇති බව කියනු ලබන අතර, මෙම ප්‍රදේශයේ කුරුලෑ වලින් අදහස් වන්නේ ඔබ ලුණු සහිත හෝ කුළුබඩු සහිත ආහාර කපා හැරිය යුතු අතර ඔබේ විටමින් බී ප්‍රමාණය වැඩි කළ යුතු බවයි.

4. ඔබේ වම් කම්මුල

ඔබේ වම් කම්මුල ඔබේ ආමාශයට හා අක්මාවටද සම්බන්ධ වී ඇති බවත් එය 'දහවල් 1 සිට පස්වරු 5 දක්වා දුර්වලම' බවත්ය. කොමඩු වැනි ඉහළ ජල අන්තර්ගතයක් සහිත 'සිසිලන' ආහාර අනුභව කිරීම සහ ආතතිය අඩු කිරීම පර්යේෂණ මගින් නිර්දේශ කරයි.

5. ඔබේ දකුණු කම්මුල

ඔබේ දකුණු කම්මුල ඔබේ පෙණහලුවලට හා ආමාශයට සම්බන්ධ වී ඇති අතර, හුස්ම ගැනීමේ ව්‍යායාම මගින් එය ඉවත් කළ හැකිය. “ඔබ ඔබේ දකුණු කම්මුලේ කුරුලෑ ඇත්නම්, පර්යේෂණ මගින් නිර්දේශ කරන්නේ කුණු කෑම සහ සීනි මෙන්ම වයින් සහ මුහුදු ආහාර කපා හැරීමටයි”

6. ඔබේ නලල මැද හා කට දෙපැත්තෙන්

මෙම ප්‍රදේශය ආහාර ජීර්ණ පද්ධතියට සම්බන්ධ බව කියනු ලබන අතර එයින් නිර්දේශ කරන්නේ තන්තු හා එළවළු වැඩි ප්‍රමාණයක් ගැනීමයි.

7. ඔබේ නිකට

මෙම ප්‍රදේශය හෝමෝන මට්ටම හා සම්බන්ධ වී ඇති අතර ඔමේගා -3 ආහාරයට ගැනීම මගින් හෝමෝන සමබරතාවය පවත්වාගත හැකිවේ
මුහුණු පොත මගින්

Share:

තේ වගාවට කෘෂි උපදෙස්


ශ්‍රී ලංකාව තුල නිපදවන තේ වර්ගවලින් වැඩිම ඉල්ලුමක් ඇත්තේ පහතරට තේ සදහාය.

තේ ශාකයේ පවතින රූප විද්‍යාත්මක ලක්ෂණ


කාෂ්ඨිය සදාහරිත තනි පත්‍රාකාර සහිත ගසකි.

ස්වභාවිකව මීටර් 30 පමණ උස යන අතර මිනිස් අවශ්‍යතාවය සදහා පදුරක් ලෙස සකසයි.

සුදු පැහැති පුෂ්ප පවතින අතැ සමහර ප්‍රබේධ වල පුෂ්ප රතු , රෝස පැහැයෙන්ද යුක්ත වේ.

ප්‍රබේධයෙන් ප්‍රබේධයට පතු වල ප්‍රමාණය විශාලත්වය වෙනස් වේ.


තේ ශාකයේ පවතින ප්‍රබේධ

පැරණි ප්‍රබේධ - 2025, 2026

නව ප්‍රබේධ     - 2027, 3055, 4042, 4049


තේ ශාකයේ ප්‍රචාරණය


මෙය ප්‍රධාන ආකාර 02කට සිදුවේ


බීජ මගින් ප්‍රචාරණය

වර්ධක කදන් මගින් ප්‍රචාරණය

තේ වගා කරන්නන් අතර බහුලතම ප්‍රචාරණ ක්‍රමය වී ඇත්තේ බීජ මගින් කෙරෙන ප්‍රචාරණයයි. නමුත් පර පරාගනය වීමේදී අතෙකුත් වර්ග වල ලත්ෂණ මිශු වීම නිසා මෙම ක්‍රමය මගින් සමාන ලක්ෂණ සහිත ඒකාකාර වගාවක් ලබා ගත නොහැක. මුදුන් මුලක් සහිත වීම , විවිධ ක්ලෝන ලබා ගැනීමට හැකි වීම යන කරුණු වාසි ගෙනේ


අතු මගින් ප්‍රචාරණය කිරීමේදී මුදුන් මුලක් රහිත පැල ලැබෙන අතර වඩාත් උසස් ගුණාංග සහිත ශාක ව්‍යාප්ත කර ගත හැකි අතර ඒකාකාරී වගාවක් ලබා ගත හැක.


වර්ධක කදන් මගින් ප්‍රචාරණයට සුදුසු මාතෘ ශාකයන් තේරීම


උසස් අස්වැන්නක් හා ගුණාත්මක බවින් ඉහල අස්වැන්නක් ලබා ගත හැකි මවු ශාකයක් වීම.

කප්පාදුවෙන් පසුව ඉක්මනින් යතා තත්වයට පත් වීම

පදුරේ ප්‍රමාණය වර්ග මීටර 1ට වඩා වැඩි විය යුතුය.

පත්‍ර වල විශාලත්වය සාමාන්‍ය පරිදි වීම.

අංකුර වල වර්ධක ශීග්‍රතාවය වැඩි වීම.

 

කදන් කැබලි සැකසීම


කප්පාදු කළ පදුරු වලින් ප්‍රරෝහණ කැබලි ලබා ගත යුතු අතර ඒ සදහාම පුරුදු කරනු ලැබූ ශාක වගා බිම් වල පවතී. පදුරේ මධ්‍ය ප්‍රදේශ වලට ආසන්නවත් වඩාත්ම වියලීමට ලක් වන උස ප්‍රමාණයේ ඇති අතු වලින් කැබලි ලබා නොගත යුතුය. මෙලෙස ලබා ගන්නා ප්‍රරෝහණ කැබලි වර්ග 02කි.


තනි ගැටයක් සහිත ප්‍රරෝහණ කැබලි

තනි පත්‍රයක් හා පත්‍ර අඩක් සහිත ප්‍රරෝහණ කැබලි


පැළ තවානට සුදුසු ඉස්ථානයක් තේරීම


පැළ තවාන සිටුවන භූමියට ආසන්න වීම.

උදෑසන සූර්යාලෝකයට පමණක් නිරාවරණය වන වහලක් සහිත බිමක් වීම.

ඉතා අධික සුළං සහිත බිමක් නොවීම.

ජල ප්‍රබවයට ආසන්න ඉස්ථානයක් වීම.

මුල් ඇද්දවීමට ගන්නා මාධ්‍ය ආසන්න ඉස්ථානයක් වීම.

ජල වහනය හොද මට්ටම්න් පවතින බිමක් වීම

මුල් ඇති කිරීමට යොදා ගන්නා මාධ්‍ය ප්‍රශස්ථ pH අගය 4.5 – 5 දක්වා හොද වයනයක් සහිත නෙමටෝඩාවන් ආදී ව්‍යාධිජනකයින්ගෙන් තොර විය යුතුය.


තවාන් පාත්ති සැකසීම


අගල් 15-18 වන තුරු පස බුරුල් කර ගල් මුල් ඉවත් කර පතුලට අගල් 2- 3පමණ බොරළු තට්ටුවක් දමා ජල වහනය දියුණු කරයි. ඉන් පසුව වගා මාධ්‍ය යොදා බීජ සිටුවයි.


කදන් කැබලි පැළ කිරීම සදහා ගේජ් 150 පොලිතින් වලින් දිග අගල් 9 හා පළල විශ්කම්භය 5 වන සේ බෑගය සාදා මාධ්‍ය පුරවා ඒ තුල දඩු කැබලි පැළ කිරීම සිදු කරයි. දඩු සිටුවීටම්දී ඇල අතට සිටු වීම මගින් පත්‍ර තලය භූමියට සමාන්තරව පැවතීම නිසා සුළං මගින් වන හානි අවම කර ගත හැක. ඉන්පසුව තවාන ආවරණය කළ යුතුය.


මෙලෙස සකසාගත් පැළ භූමිය තුල සිටු වීමට පෙර බිම් සැකසිය යුතුය. සාමාන්‍යෙයන් තේ වගා කිරීමට අදහස් කරන ගොවින් තේ වගා කිරීමට පෙර ගෝතමාලා , සැවැන්දරා වැනි තෘණ වර්ග මාස 6ක් පමණ වගා කිරීම මගින් පස සරු කර ගනී. පාංශු වයනය පාංශු වාතනය දියුණු කර ගනී. මෙම තෘණ අවශ්‍ය විට ගලවා ඉවත් කරන අතර සාමානයෙන් තේවගා කරනුයේ බැවුම් සහිත ඉඩම් වල බැවින් සමෝච්ච ක්‍රමයට කාණු පද්ධතිය හා වලවල් සකකුණු කර ගත යුතුය. සාමානයෙන් තේ පැළ සමෝච්ච ක්‍රමයට මෙන්ම ත්‍රිකෝණාකාරව, සමචතුරස්‍රාකාරව  සිටුවයි. තවන් කරන ලද තේ පැළ මාස 9- 11 පමණ වන විට ක්ෂේත්‍රෙය් වර්ෂා කාළයක් සමග සිටවනු ලැබේ.    අඩි 1 ½ - 2 පමණ ගැඹුරට සහ විශ්කම්භය අගල් 9- 12 පමණ වලවල් මීටර් 1.2 * 0.6 පරතැයට සකසා ගනී. හෙක්ටෙයාරයට පැළ 13600ක් පමණ අවශ්‍ය වන අතැ සුළගින් වන හානිය අවම කැ ගත යුතු අතර සම්පූර්ණ ක්ෂේත්‍රෙය්ම එකවර පැළ සිටුවීම සිදු නොකරයි.                                                                                                                                                              


තේ සදහා ආවරණ බෝග වගාව/ සෙවන ශාක සිටුවීම                                     


මෙය භූමියේ පැළ සිටුවීමට පෙර සිදු කරණු ලැබේ.

                     උදා - ගෝතමාලා, මානා


ඇල්බීසියා වැනි ඉහලට වැඩෙන ශාක අඩි 20* 20 පරතරය සහිතව සිටුවයි.

මකුලත / ග්ලිරිසීඩියා වැනි එතරම් උස් නොවන ශාක අඩි 10*10 පරතරය සහිතව සිටුවයි.

සෙවන ශාක තීරු ඔස්සේ සිටුවන අතර එමගින් නෙළීම සදහා යාමටද පහසු කරයි.

සෙවන ශාක කප්පාදු කිරීම වසරකට දෙවතාවක් මෝසම් වැසි ආරම්භ වීමත් සමගම සිදු කරයි.

ආවරණ බෝග ලෙස බොහෝ දුරට රනිල කුළයට අයත් ශාක යොදා ගනී. මෙමගින් වගාවට අවශ්‍ය නයිට්‍රජන් ලබා ගත හැක.

 

 තේ ශාකය නඩත්තු කිරීම.


ක්ෂේත්‍රය තුල තේ පැළ පිහිටුවා මසකට පමණ පසුව ශාකය නමා කරු ගැසිය යුතුය. ඉන්පසුව නැවත ඇති වන අතුද මාස 3 – 6 පසුව ඉහත පරිදිම නමා කරු ගැසිය යුතුය.  මෙලෙස අවසන් වරට නැටමීමෙන් පසුව බිම් මට්ටමේ සිට සෙ.මී 60 උසක් දක්වා කදන් වර්ධනය වීමට ඉඩ හැර බිම් මට්ටමේ සිට සෙ.මී 30 – 40 උසින් තිරස්ව කපා දමයි. ඉන් පසුව එම පදුරු සෙ.මී 45 – 50 දළු ඉවත් කර දළු කැඩීමට සුදුසු තත්වයට පත් කරයි.


ගස් වසරක් පමණ කාලයක් නිදහසේ වැඩීමට සලස්වා බිම් මට්ටමේ සිට සෙ. මී 30 ඉහලින් කපයි. දෙවන වර කැපීම උස සෙ.මී 35- 40 සිදු කරන අතර සෙ. මී 45 – 50 උසකදී අග්‍රස්ථය ඉවත් කර තේ දළු නෙලයි. පාර්ශවික අතු නොමැති විට නමා කරු ගසයි. පාර්ශවින අතු සහිත විට මෙම හරස් අතට කැපීම සිදු කරයි.


මධ්‍යගත කිරීමේදී පදුරේ මැද ඇති කදන් පමණක් කප්පාදු කරයි.


වල් පැළ පාලනය


මෙහිදී වල් පැළෑටි පාලනය මසකට වරක් පමණ කළ යුතු අතර එය සාමාන්‍යෙයන් අතින්ම සිදු නරන අතර ක්ෂේත්‍රය සම්පූර්ණයෙන්ම වල් පැළෑටි වලින් තොර අවස්ථාවට පත් නොකරයි.


රසායනික වල් නාශක යෙදීමේදී ප්‍රධාන ආකාර 02ක් පවතී.


ස්පර්ශක වල් නාශක

පරිසර්පණ වල් නාශක


තේ වගාව සදහා පොහොර යෙදීම


තේ වගාවේදී ප්‍රධාන අවස්ථා කිහිපයකදීම පොහොර යෙදීම සිදු කරයි.


මෙසේ තවන් පැල 1000ක් සදහා කි. ගෑ 100 ක් අවශ්‍ය වේ. මුල් ඇති වූ විට වරකට T65 ග්‍රෑම් 35 වතුර ලීටර 5ක් සමග මිශු කර සතියකට දෙවරක් වර්ග මීටරයකට යොදයි. වර්ධනය වීමත් සමගම ග්‍රෑම් 70 දක්වා වැඩිකළ හැක. පෝෂක එක් කිරීමෙන් අනතුරුව පිරිසිදු ජලයෙන් පත්‍ර සේදිය යුතුය.

මීට අමතරව තේ තවාන් වල පත්‍ර වලට සින්ක් සල්ෆයිඩ් යෙදීම සිදු කරයි. T65 යොදා සතියකට පමණ පසුව සිල්වර් සල්ෆේට් ග්‍රෑම් 14 ජලය ලීටර 5 ක දියකර පැළ 1000ක් සදහා යොදනු ලැබේ. අවස්ථා 4 – 6 පමණ සති දෙකකට වරක් කළ හැකි අතර පසුව මසකට  වරක් කරයි.

 


මෙම මිශුණය පළමු වසර තුලදී පැළයකට ග්‍රෑම් 15 – 25 (හෙක්ටෙයාරයකය කි.ග්‍රෑ 1200) වාර 4 – 6 දක්වා ප්‍රමාණයක් යොදයි. පැළ සිටුවන විටද මෙම මිශ්‍රණය ග්‍රෑම් 15- 20 දක්වා ප්‍රමාණයක් භාවිතා කළ හැක.

 


පරිණත වගාවක් සදහා පොහොර යෙදීම


මේ සදහා U364 නම් පොහොර මිශ්‍රණය භාවිතා කරයි. මෙම යුරියා අඩංගු පොහොර මිශ්‍රණය භාවිතා කරනුයේ වගාව පරිණත අවධියේදී පමණි. යම් ක්ෂේත්‍රයක අස්වැන්න ‍හෙක්ටෙයාරයකට කි.ග්‍රෑම් 800ට වඩා අඩු විට මෙම පොහොර මිශ්‍රණය යොදයි. මිශ්‍රණයෙන් කි.ග්‍රෑම් 173 ක් වසරකට දෙවරක් යොදයි.

තේ කප්පාදු කිරීම .


තේ පදුරේ මනා උසක් පවත්වා ගැනීමටත් ප්‍රතිස්ථාපනය මගින් ශාක නිෂ්පාධනය ඉහළ දැමීමටත් වර්ධක අවධිය අකණ්ඩව පවත්වා ගැනීමටත් යන කරුණු මත ශාකය  කප්පාදු කරයි. තේ දළු කුඩීමද එක්තරා කප්පාදු කිරීමේ ක්‍රමයකි. සාමානෆයන් පහතරට ප්‍රෙදෟශයේදී මැයි මස මැද සිට ජූල් මස මැද සිට හෝ ඔක්තෝම්බර් මැද සිට නොවැම්බර් අවසන් වන තුරු සෙ.මී 50 -60 පමණ උසකට කප්පාදු කරයි.


කප්පාදු කිරීම සදහා ප්‍රධාන ක්‍රම 2ක් උපයෝගී කර ගනී


දැඩි කප්පාදුව

සියුමි කප්පාදුව

 

දැඩි කප්පාදුව


පොළොවේ සිට සෙ.මී 35 පමණ උසින් පදුර ඉතිරි වන සේ කප්පාදු කරයි. වියළි ප්‍රදේශවලදී දැඩි කප්පාදුවේදී අතු කිහිපයක් ඉතිරි කරයි. කප්පාදු කර සති 4 – 6 කාළයක් තුලදී දළු නෙලීම සිදු නොකරයි.


සියුම් කප්පාදුව


තේ පදුර සාමානයෙන් අවුරුදු 3 – 4 වරක් කප්පාදු කරයි. පෙර කප්පාදුවෙන් සෙ.මී 4 – 5 උසකට කරයි. මෙමගින් හොද හැඩයක් පවත්වා ගැනීම, පදුරේ පැති පාළනය කිරීම, ලෙඩ රෝග හා පළිබෝධ පාළනය කිරීම.


දළු නෙළීම.


තේ පදුරක සජීවී හා අජීවී ලෙස දළු වර්ග දෙකක් පවතී. මෙහිදීඅජීවී අංකුර කඩා ඉවත් කළ යුතු අතර ජීව අංකුර නෙළා ගත් පසු නැවත ජීව අංකුර ඇතිවේ. අංකුර  සුප්ත තාවය හෙවත් බංජි අංකුර හැකිතාක් ඉවත් කළ යුතුය.


තේ දළු නෙළීමේදී සැළකිළිමත් විය යුතු කරුණු


නෙලීමට සුදුසු සියළුම කොටස් නෙළීම.

ක්‍රමවත් නෙළීමේ චක්‍රයක් පවත්වා ගැනීම.

මෝරන ලද තේ කොළ තේ දළු නෙළන අවස්ථාවේදීම නෙළා ඉවත් කිරීම.

නෙලීමේ මට්ටමේ ඇති වල් පැළ ඉවත් කිරීම.

දළු නෙළීමේ ප්‍රධාන ආකාර 03කි.


සැහැල්ලු දළු නෙළීම. - අංකුරයේ පත්‍ර දෙකක් පමණක් නෙලීම සිදු කරයි.

මධ්‍යස්ථ නෙළීම - අංකුරය හා පත්‍ර තුනක් නෙලා ගන්නා අතර මීන පත්‍රයට ඉහලින් සම්පූර්ණ පත්‍රයක් ඉතිරි වන්නට හරී

රළු දළු නෙලීම - පතු දෙකකට වැඩි සංඛ්‍යාක් හා අංකුරය ඉවත් කිරීම මෙහිදී සිදු කෙරේ. මෙයට අළුතින් වැඩුණු නටුවද අයත්ය.

 මෙලෙස නෙළාගත් දළු අනවශ මේරූ නොටස් අහඹු ලෙස ඉවත් කරමින් තේරීමකට ලක් කරයි. ඉන් පසුව බර කිරීමකට ලක් කර කර්මාණ්තශාලා සදහා ප්‍රවාහනය කරයි.


තේ කොළ නිෂ්පාධනය.


මෙහිදී ප්‍රධාන පියවරවල් කිහිපයක් යටතේ තේ කොළ නිෂ්පාධනය සිදු කෙරේ. මෙහිදී අවශ්‍ය පැහැය හා රසය ලබා ගැනීමට මෙය අත්‍යාවශ්‍ය වේ. එම පියවරවල් ලෙස


රෝලර් කිරම

තව් මැරීම

පැසවීම

වියලීම

ශ්‍රේණි කිරීම

ඇසුරුම් කිරීම

1. තව් මැරීම


තේ පත්‍ර වල ඇති ජල ප්‍රමාණය 70%  දක්වා අඩු වේ. තේ කොළ දැලක් සහිත ද්‍රෝණියකට දමා ගනු ලැබේ. දැළ හරහා දැඩි වායු දහරාවක් යවා පත්‍ර වල ජල වාශ්ප ඒකාකාරී අයුරින් ඉවත් කරයි. මෙහිදී සාමාන‍යෙන් පැය 12 – 17 කාළයක් ‍මෙම කාර්ය කරයි. ක්‍රියාවලිය අවසානයේදී තේ පත්‍ර නැමෙන සුළු ස්වභාවයට පත් වේ.


02.රෝලර් කිරීම


     ඉන් පසුව එම පත්‍ර රෝලර් යන්ත්‍රයක් හරහා යවන්‍ර ලබයි. තේ කොළ ඇඹරුණ වයර් වැනි තත්වයට පත් වේ. මෙම පියවර තේ වල රසය වැඩි කිරීමට දායක වේ.


03.පැසවීම


     ඔක්සිකරණය වීමට අවශ්‍ය පාරිසරික තත්ව වෙනස් කරන ලද කුටියක තබා නැවත ක්‍රමයෙන් පැහැය වෙනස් වීමට ඉඩ හරී


04.වියලීම


     මෙහිදී තේ වල ජල ප්‍රතිශතය 3% දක්වා අඩු කරනු ලබයි. එවිට සියළුම එන්සයිම ක්‍රියා නතර වන අතර වියලීම මගින් තේ කොළ නිෂ්පාධනයේ නිමාව සිදු කරයි.


05.ශ්‍රේණි කිරීම


     තේ කොළ වල ගුණාත්මය මත රදා පවතින ගුණයකි. සම්පූර්ණ කොළ, කැඩුණු කොළ, තැළුණු කොළ , කුඩු ලෙස වර්ග කරයි.


06.ඇසුරුම් කිරීම


      ප්‍රධාන වශයෙන් ලී පෙට්ටි , කඩදාසි උර, හෝ ප්ලාස්ටික් පෙට්ටි යොදා ගනී. අවශළුතාවය දත කුඩා ප්‍රමාණමේ ඇසුරැම්ද යොදා ගත හැක.


මෙම ලිපිය අන්තර්ජාලය මඟින් 

Share:

දෙළුම් වගාවට කෘෂි උපදෙස්

දෙළුම් - පුනිකා ග්‍රැනටම්

පුනිකේසි නම් ශාක කුලයට අයත්වන දෙළුම් ගස සම්භවය වී ඇත්තේ ඉරානය ආශ්‍රිත මධ්‍යම ආසියානු ප්‍රදේශයේය. අනාදිමත් කාලයක සිට මෙම බෝගය ආසියාව, යුරෝපය හා අප්‍රිකාවට අයත් වන මධ්‍යධරණී රටවල වගාකරනු ලැබේ. ක්‍රිස්තු පූර්ව පළමු සියවසේදි පමණ මධ්‍යම හා දකුණු  ඉන්දියාව වෙත හඳුන්වා දී ඇති දෙළුම් ගස දැන් ඉන්දියාවේ සෑම ප්‍රදේශයකම පාහේත්, බොහෝ අග්නිදිග ආසියානු රටවලත් වගා වේ.

පළතුරක් ලෙස අප රටේ වගා කරනු ලබන දෙළුම් සඳහා විසිතුරු පැලෑටියක් ලෙසද ඉල්ලුමක් පවතියි. ගසෙහි හුරුබුහුටි බව හා දිගු කාලයක් පවතින අලංකාර මල් නිපදවීමට ඇති හැකියාව මෙයට ප්‍රධාන වශයෙන් හේතු වී තිබේ.

මෙම පළතුරෙහි ඇති සුවිශේෂ බව නිසා එය සඳහා සැලකිය යුතු දේශිය හා විදේශිය ඉල්ලුමක් පවතියි. එනිසා වගා වපසරිය වැඩි කිරීම හා අස්වැන්නේ ගුණාත්මය දියුණු කිරීමට පියවර ගැනීම වැදගත්ය.

දැනට දෙළුම් වගාව වැඩි වශයෙන් දක්නට ලැබෙන්නේ පුත්තලම, අනුරාධපුරය, හම්බන්තොට, යාපනය හා මොණරාගල වැනි දිස්ත්‍රික්කයන්හි ය. මෙම වගාව ඉතා පහසුවෙන් සෙසු වියළි කලාපීය ප්‍රදේශයන්හි ද ව්‍යාප්ත කළ හැකිය. එනිසා අක්කර 600 පමණ වන වර්තමාන දෙළුම් වගා වපසරිය වසර 2000 වන විට අක්කර 1100 දක්වා වැඩි කිරීමට සැලසුම් කර තිබේ.


පැසුන ගෙඩිවල බීජ වටා ඇති මාංසලය එලෙසම ආහාරයට ගත හැකිය. නැතහොත් මාංසලය මිරිකා මිහිරි පළතුරු බීමක් සකසා ගත හැකිය. ජෙලි නිපදවීමට ද මධ්‍යසාර වර්ග සමඟ මිශ්‍ර කිරීම සඳහා යොදා ගන්නා ග්‍රෙනඩින් නම් සිරප් වර්ගය සාදා ගැනීමට ද දෙළුම් යුෂ භාවිතා වේ.

ඖෂධීය ගුණය

දෙළුම් ගසේ සෑම කොටසකම පාහේ ඖෂධීය  ගුණ ඇති බව සලකනු ලැබේ. දෙළුම් මාංසලයේ යුෂය අජීර්ණය හා ලාදුරු සඳහා ප්‍රතිකාර කිරීමට යොදා ගැනේ. කඳේ පොතු, කොල, ලපටි ගෙඩි සහ පැසුනු ගෙඩිවල පොත්තෙහි ටැනින් නම් රසායනිකය අඩංගු නිසා පාචනය හා අභ්‍යන්තර ලේ වහනය වීම් සඳහා කරනු ලබන ප්‍රතිකාරයන් සඳහා භාවිතා වේ. තම්බා ගත් දෙළුම් කොල ඇස් තැවීම සඳහා බහුල වශයෙන් භාවිතා කරනු ලැබේ.

වෙනත් ප්‍රයෝජන

හම් පදම් කිරීම සඳහා ටැනින් අඩංගු දෙළුම් ගසේ පොතු බහුල වශයෙන් භාවිතා වේ. මේරූ ගෙඩියේ පොත්ත සහ මල්, රෙදි වර්ණ ගැන්වීම සඳහා යොදා ගනු ලැබේ. ජපානයේ, කෘමි නාශකයක් නිපදවීම සඳහා ද ගසේ පොතු භාවිතා වේ.

දේශගුණික අවශ්‍යතා

විවිධ දේශගුණික තත්ත්වයන්ට හොඳින් අනුවර්තනය වීමේ හැකියාවක් දෙළුම් ගසට තිබේ. උසස් ගුණාත්මයේ දෙළුම් ලබා ගත හැක්කේ ශීත කාලයක් හා තද උණුසුම් කාලයක් පවතින ප්‍රදේශවලය. මෙම බෝගය ඉතා හොඳින්, දැඩි වියළි කාලගුණික තත්ත්වයන්ට ඔරොත්ත දේ. නමුත් එවැනි කාලගුණයක් පවතින ප්‍රදේශවල හොඳින් ඵල හට ගැනීමට නම් ජල සම්පාදනය කළ යුතුය.

පස

ගුණාංගවල විශාල වෙනස්කම් පවතින පස් වර්ග රාශියක දෙළුම්  වගා කළ හැකිය.  නමුත් උසස් අස්වැන්නක් ලබා ගැනීම සඳහා මැටි - ලෝම පසක් වඩා සුදුසුය. වෙනත් බොහෝ පළතුරු බෝග වලට වඩා පසෙහි පවතින ක්ෂාරිය තත්වයට දෙළුම් ඔරොත්තු දේ. එසේම ආම්ලික පස්වල වුවද එය වගා කළ හැකිය.

ප්‍රභේද

ශ්‍රී ලංකාවේ විවිධ ප්‍රදේශ සඳහා වඩා සුදුසු දෙළුම් ප්‍රභේද නිශ්චිතව තවම හඳුනා ගෙන නොමැත. නමුත් ගුණාත්මයෙන් උසස් ගෙඩි හටගන්නා ගස් වලින් සිටුවීම සඳහා පැල ලබා ගැනීම වැදගත්ය. දැනටමත් දේශිය මෙන්ම විදේශයන්ගෙන් ලබාගත් ප්‍රභේද රාශියක් පිළිබඳ අධ්‍යයන කටයුතු සිදුවෙමින් පවතී. මෙමගින් අප රටට වඩා ගැලපෙන ප්‍රභේද හඳුනා ගැනීමට ඉදිරියේදි හැකි වනු ඇත.

රෝපණ දුව්‍ය සකසා ගැනීම

සිටුවී සඳහා යොදා ගන්නා දෙළුම් පැල ප්‍රධාන ආකාර තුනකට නිපදවා ගත හැකිය.

බීජ පැල

තෝරා ගත් මේරූ ගස් වලින් ලබාගන්නා බීජ තවාන් කළ විට ඉතා පහසුවෙන් ප්‍රරෝහණය වේ. මෙවැනි පැල මාස 9 – 12 පමණ ගත වූ පසුව සිටුවීමට සුදුසු තත්වයට පත් වේ. දෙළුම් ශාක පර පරාගනය මෙන්ම ස්වර පරාගනය ද සිදුවේ. එනිසා, මේ අන්දමට බීජ මගින් පැල ලබා ගන්නා පැල වල මව් ශාකයට වඩා වෙනස් ලක්ෂණ තිබිය හැකිය. බීජ පැල සිටුවීම එතරම් සතුටුදායක ක්‍රමයක් ලෙස නොසලකන්නේ එනිසාය.

මුල් ඇද්දා වූ දඬු කැබලි

මේ සඳහා උසස් ලක්ෂණ සහිත මව් ශාකයකින්, සෙන්ටිමීටරයක් පමණ මහත මේරූ දඬු කැබලි තෝරා ගන්න. එම දඬුු කැබලි සෙ.මී. 20 – 30 පමණ දිගක් වන සේ කපාගන්න.

මෙම දඬු කැබලිවල දිගින් 2/3 පමණ පසට යට වන සේ සකස් කර ගත් පාත්ති වල සිටුවන්න. සමහර අවස්ථාවලදී දඬු කැබැල්ල සම්පූර්ණයෙන්ම වුවද පසට යට කර සිටුවනු ලැබේ. මෙම දඬු කැබලි ප්‍රරෝහණය වීමෙන් ඇතිවන පැල වසරකදී පමණ ක්ෂේත්‍රයේ සිටුවීමට සුදුසු තත්වයට පත් වේ. විශේෂ ප්‍රචාරක ව්‍යුහයක් (ප්‍රොපගේටරයක්) තුල මෙම අතු කැබලි මුල් අද්දවා ගැනීමට කටයුතු කිරීම මගින් වඩා සාර්ථක ප්‍රතිඵල ලබා ගත හැකිය.

වායව අතු බැඳීම

මෙයට අමතරව වායව අතු බැඳීම මගින්ද සතුටුදායකව පැල නිපදවාගත හැකිය. නමුත් පැල විශාල සංඛ්‍යාවක් නිපදවා ගැනීම සඳහා මෙය එතරම් ප්‍රායෝගික ක්‍රමයක් නොවීමට ඉඩ ඇත.

පරතරය - මීටර් 3 × 3

බිම් සැකසීම

ඉහත පරතරයට අනුව සෙ.මී. 60 ×  60 ×  60 ප්‍රමාණයේ වලවල කපන්න. මතුපිට පස් හා හොඳින් දිරාපත්වූ ගොම පොහොර ආදිය යොදා මෙම වලවල් පුරවන්න.

පැල සිටුවීම           

වර්ෂා කාලය ආරම්භ වීමත් සමඟ සකස් කරගත් වලවල් වල පැල සිටුවන්න. පැලය අවට පස ඉක්මනින් වියළී යාම වලකා ගැනීම සඳහා වියළි තණකොළ වැනි ද්‍රව්‍යයයකින් වසුන් කරන්න.

පොහොර යෙදීම

වර්ධනයේ මුල් අවස්ථාවන් හි දී හොඳින් දිරාපත් වූ කාබනික ද්‍රව්‍ය ගස වටා යොදා පසට කලවම් කරන්න.

පැල සිටුවා වසරක් පමණ ගත වූ පසු ව පැල වටා රවුමක ආකාරයට පස ඉවත් කරන්න. ගසේ වර්ධනය අනුව මෙලෙස පස් ඉවත් කළයුතු ප්‍රදේශයේ විශාලත්වය මීටර් 1 – 1 ½ පමණ විය හැකිය. පස් ඉවත් කළ ප්‍රදේශයට හොඳින් දිරාපත් වූ ගොම පොහොර හෝ කාබනික ද්‍රව්‍ය යොදා නැවත පස් වලින් වසන්න. වර්ෂා කාලය ආරම්භ වීමත් සමඟ මෙය කිරීම වඩා සුදුසුය.

පසේ සරු බව අඩුනම් සහ ගසේ වර්ධනය දුර්වල නම් ගොම පොහොර සමඟ යූරියා පොහොර ග්‍රෑම් 100 – 150  පමණ ද සෑම ගසකටම යොදන්න.

ජල සම්පාදනය

වැඩි අස්වැන්නක් ලබා ගැනීම සඳහා වියළි කාල වලදී ගසට ජලය සපයන්න. මේ අන්දමට සපයනු ලබන ජලය තරමක් ලවණ සහිත වුවද එමගින් ගසට හානියක් සිදු නොවේ.

වල් පැලෑටි පාලනය

ගස වටා ඇති ප්‍රදේශය වල් පැල වලින් තොරව තබාගන්න. වියළි තෘණ වැනි ද්‍රව්‍යයක් භාවිතා කර මෙම ප්‍රදේශය වසුන් කරන්න. මෙමගින් වල් පැලෑටි පාලනය වේ. පැල පේලි අතර විසිකැත්තක් වැනි දෙයක් මගින් වල් පැලෑටි පාලනය කළ හැකිය.

ගස් පුහුණු කිරීම

ආරම්භයේ සිටම දෙළුම් ගස් ක්‍රමාණුකූලව පුහුණු කිරීම මගින් ගසට මනා පෙනුමක් මෙන්ම උසස් ගුණාත්මයේ අස්වැන්නක් ද ලබාගත හැකි වේ.

ගස් පුහුණු කිරීම තනි කඳක් ලෙස පවතින සේ කළ හැකිය. නමුත් බොහෝ විට කරනු ලබන්නේ ගසේ පහළ සිට ප්‍රධාන අතු 3 – 4 පමණ සංඛ්‍යාවක් වර්ධනය වීමට ඉඩ සැලසීමයි. මෙම සැකිල්ල ඇතිකර ගත් පසුව ප්‍රධාන අතුවල පහළ ප්‍රදේශයෙන් හෝ මුල් වලින් හටගන්නා දිය රිකිලි වැනි අතු ඉවත්කරන්න. විශේෂයෙන් මෙය වැදගත් වන්නේ බෝගයේ මුල් වසර කීපය තුලදීය.

මෙයට අමතරව, අනවශ්‍ය ලෙස දිගට වැඩෙන අතු කෙටි කිරීම ද, පොලව සමඟ ස්පර්ශ වන සහ, ඉතා පහළින් හටගන්නා අතු ඉවත් කිරීම ද ගසේ ඇති අනවශ්‍ය අතු ඉවත්කිරීම ද වරින් වර කළ යුතුය. 

කෘමි හානි පාලනය

දෙළුම් සමනලයා - විරකෝලා අයිසොක්‍රේටස්

අළු පැහැයට හුරු දම් පැහැති මෙම සමනලයා මල් කැකුළු හා ලපටි  ගෙඩි වල පහළ කෙළවර ප්‍රදේශයේ බිත්තර දමයි. බිත්තර වලින් කීටයා ගෙඩිය තුළට ඇතුල් වී එයට හානි පමුණුවයි.

මෙවැනි ගෙඩි ප්‍රයෝජනයට ගත නොහැකිය.

මෙම කෘමි හානිය පාලනය කිරීම සඳහා රසායනික ද්‍රව්‍ය යෙදීම අපහසුය. එයට හේතු වී ඇත්තේ ඕනෑම අවස්ථාවක වර්ධනයේ විවිධ අවස්ථාවනිහි ඇති ගෙඩි දෙළුම් ගස්වල දක්නට ලැබීමයි.

ළපටි අවස්ථාවේදි කඩදාසි උර වැනි දෙයකින් ගෙඩි ආවරණය කිරීමෙන් මෙම හානිය පාලනය කරගත හැකිය.

මෙයට අමතරව කඳ විදින පනුවන් විසින් හානි පැමිණවීම  නිසා කෙළවර සිට අතු මැරීයාමට ඉඩ තිබේ. සුදු මැස්සන් පිටි මකුණන් හා කොරපොතු කෘමීන් මගින් ද වගාවට සුළු හානි ඇතිවිය හැකිය. වියළි කාල වලදී වේයන් විසින් ගසේ කඳට හානි පැමිණවිය හැකිය.  මෙය පාලනය කිරීම සඳහා කළු තෙල් වැනි ද්‍රව්‍යයකින් කඳේ පහළ කොටස ආලේප කිරීම සුදුසුය.

රෝග පාලනය

අස්වනු නෙලීම

දෙළුම් ගසේ වසර පුරාම මල් හටගනී. නමුත් වර්ෂා කාලයේදි හටගන්නා මල් සංඛ්‍යාව වැඩිය. එනිසා වියළි කාලයකදී වුවද ගස වටා හොඳින් පොහොර යොදා ජලය සැපයිය හැකිනම් මල් වැඩි සංඛ්‍යාවක් හටගන්වා ගත හැකිය. මල් හට ගෙන මාස 6 – 7 පසුව අස්වනු නෙලා ගැනීමට පුළුවන.

අස්වනු නෙලීමට සුදුසු අවස්ථාවට පත් වී ඇති බව තීරණය කිරීම සඳහා ඇඟිලි වලින් ගෙඩි වලට තට්ටු කරන්න. එවිට ඇති වන විශේෂිත ශබ්දය මගින් පැසුන ගෙඩි පහසුවෙන් හඳුනා ගත හැකිය. අස්වනු නෙලා ගැනීමෙන් පසුව තවදුරටත් ගෙඩි ඉදීම සිදු නොවේ.  එනිසා නෙලීමට වඩා සුදුසු අවස්ථාවේදි ඇති ගෙඩි පමණක් තෝරා ගැනීම වැදගත්ය.

ගෙඩි නෙලාගත යුත්තේ පිහියකින් නටුව කපා ගැනිමෙනි. වෙළද පොලට ඉදිරිිපත් කිරීමට පෙර ගෙඩියට ආසන්නයේ නටුව කපා ඉවත් කළ යුතුය.

සමහර රටවල දෙළුම් ගෙඩි මිලදී ගන්නේ මේස සැරසිලි සඳහා යොදා ගැනීමටයි. එනිසා ගෙඩියේ බාහිර පෙනුම උසස් මට්ටමක පවත්වා ගැනීම වැදගත්ය. සමහර විට තද හිරු එළිය නිසා ගෙඩියේ පිට පොත්ත රළුවීම හෝ දුර්වර්ණ වීම හෝ සිදුවිය හැකිය.

අස්වැන්න

වසරකදී එක් ගසකින් ගෙඩි 70 – 200 පමණ සංඛ්‍යාවක් නෙලාගත හැකිය. ගසේ වයස හා පාලන ක්‍රම වල යෝග්‍යතාවය මත ලබා ගත හැකි ගෙඩි සංඛ්‍යාව තීරණය වේ.

වෙළඳ පොල වෙත සැකසීම

ගෙඩි වල විශාලත්වය අනුව ශ්‍රේණි කරන්න. ඉන්පසු කඩදාසි හෝ පිදුරු වැනි දෙයකින් ගෙඩි ආවරණය කර පෙට්ටිවල අසුරන්න.

ගබඩා කිරීම

දෙළුම් නිසි ගබඩා තත්ත්වයන් යටතේ දිගු කලක් ගබඩා කර තබාගත හැකි පළතුරකි. සෙන්ට් ග්‍රේට් අංශක 0 – 5 උෂ්ණත්වයක් සහ සාපේක්ෂ ආර්ද්‍රතාවය 80 – 85 % යටතේ, ගෙඩි වල බාහිර පෙනුමට හානි නොවන පරිදි මාස 7 පමණ කාලයක් දෙළුම් ගෙඩි සතුටුදායකව ගබඩා කර තබාගත හැකිය. ගබඩා කාලය තුලදී ගෙඩියේ යුෂ ප්‍රමාණය හා සුවඳ වැඩි වේ.

අපනයන වෙළඳ පොල

ඊජිප්තුව, ඉන්දියාව, ඉරානය, ස්පාඤ්ඤය වැනි රටවල් මගින් එක්සත් රාජධානිය වැනි යුරෝපීය රටවල් වෙත දෙළුම් අපනයනය කරනු ලැබේ. නිසි තත්ත්වයන් යටතේ දිගු කලක් හොඳින් ගබඩා කර තබාගත හැකි පළතුරක් නිසා ඉතා පහසුවෙන් නැව් මගින් ප්‍රවාහනය කළ හැකිය. පෙට්ටි වල අසුරා ඇති දෙළුම් විවිධ බර ප්‍රමාණයන්ගෙන් යුත් ඇසුරුම් ලෙස අපනයනය කරනු ලැබේ. එනිසා උසස් වර්ග වල දෙළුම් ගෙඩි අපනයනට සඳහා අප රටට ද හැකියාවක් තිබේ.


Share:

Kohila කොහිල වගාවට කෘෂි උපදෙස්

එදා සෑම ගැමි ගෙදරකම පාහේ කටු කොහිළ කොටුවක් විය. ගෙවත්තේ හොඳීන් දියසීරාව ඇති බිම් කොටසක හෝ ගෙදරට වතුර ගන්නා ළිඳ ලඟ හෝ කුඹුරට හෝ කමතට කිට්ටුවෙන් මේ කොහිල කොටුව ඉදිකර ගන්නට එකල ගැමියා උනන්දු විය. එළවළු කල් තබා ගැනීමට අපි ශිතකරණයේ බහලනවා. නමුත් ශිතකරණයක් නැතිවම කොහිල වසර පුරම පලදාව ලබාගත හැකි එළවළුවක් නිසාම එමගින් ආර්ථිකව ලද හැකි ප‍්‍රතිලාබද වැඩිය. අද වුවද ගම්බදව ඉඩකඩම් ඇති නිවෙස්වල කොහිල වලක් හෝ කොටුවක් දකින්නට හැකිය. කොහිල අල සහ අජීර්ණ රෝග සහ බඩේ අමාරු රැසකට බෙහෙවින් ෙඖෂධීය ගුණයන් ගෙන්යුත් වන නිසා කොහිල ජනපි‍්‍රය ආහාරයක් මෙන්ම ඖෂධයක් ද වෙයි. කොහිල අල මාළුව විවිධ සූපවේදීය අනුව ඉතා රසවත් ලෙස සකසා ගත හැකිය. ඔබගේ ගෙවත්තේත් පුංචි කොහිල වලක් සාදාගත හොත් වසර පුරාම ආහාරයට ගැනීමට එළවළු දෙවර්ගයක්ම ඔබට ඉතා පහසුවෙන් ලබා ගත හැකි වේවි.  බලන්න ඔබටත් ගෙවත්තේ කොහිල වලක් සාදා වගා කර ගන්නට හැකියාවක් ඇද්ද කියලා මේ සඳහා ඕනෑ කරන්නේ ජලාශ‍්‍රයක් ඇති අඩි 3  ය 5 ප‍්‍රමාණයක හෝ ඊට සමාන බිම් ප‍්‍රමාණයකි. අඩි 3 පමණ ගැඹුරට මේ වල හාරගත යුතු අතර ඔබගේ ගෙවත්තෙහි පස මැටි සහිත පසක් නොවන්නේ නම් මඩ, රොන්මඩ හෝ මැටි සහිත පසක් පිටතින් ගෙනනැවිත් එම වළේ අඩියේ ඇති පස් ඉවත්කර එතුළට දමා සැහෙන පමණ ජලය එකතු කර ගනිමින් තවත් හොඳීන් මඩකර ගන්න. වලක මැටි පාගන ආකාරයට මෙහි අඩිය දෙපෙයින් පාගා මඩ කර ගත හැකියි. ඔබට වතුර සැපයීමට අපහසුවක් නොමැති නම් මේ කොහිල වගාව ගෙවත්තේ ඕනෑම කඳු මුදුනක, පැතලි බිමක හෝ කරගෙන යන්නට ද අපහසු නැත.


මේ සදහා බිමක් තෝරා ගැනමේදී ගෙදර ළිඳට ආසන්නයෙන් හෝ නාන කාමරය පිටුපස හෝ මේ සඳහා ඉතා සුදුසුයි. ඔබට ජල නල පහසුකම් ඇත්නම් නලයක් මගින් වතුර සැපයීමෙන් හෝ මේ කාරිය පටන් ගන්නට බැරි නැත. මේ සඳහා තෝරා ගන්නා බිම, තරමක් දුරට හෝ ගස් කොළන් වලින් තොර සෘජු ලෙස හිරු එළිය වැවෙන තැනක් නම් වගාව සරුවට කරගෙන යා හැකියි. ගෙවත්තේ එකතු වන වියළි දිරා ගිය කුණු රොඩු ආදිය කොහිලවල සකසා ගැනීමේදී මඩට එකතු කර ගැනීමටත් ඔබට පුළුවනි. එවිට නිතර ඔබ සෝදිසියෙන් සිටිය යුතු වන්නේ එහි නිතර තිබිය යුතු තෙතමනය ගැන පමණයි. ඔබේ ගෙවත්තේ භාවිතයෙන් තොරව දිරායමින් පවතින සිමෙන්ති ටැංකියක් වුවද මඩ සහ ජලය එකතු කර ගැනීමෙන් කොහිල වගාක් බවට පත්කර ගන්නටත් පුළුවන්. කොහිල අල කැබලි 4 – 5 පමණ මෙහි සිටුවා ගැනීමට ඔබ විසින් තෝරා ගත යුතු වෙනවා. ඒවා ඔබට ලබාගත හැක්කේ කොහිල කොටුවකින්මයි. කොහිල අලය සමග රිකිල්ල කපා පහතම කොළ කීපය ඉවත්කර මඩෙහි සිටුවා ගන්න. වතුර දමනවා නම් බුරුල් පසෙහි වුවද සරුවට වැඩේ. කොහිල රිකිලි වලේ සිටුවා වියළි පස් ටිකක් දමා තදකර තබන්න. සතියක් දෙකක් යන විට මුල් ඇදගත් කොහිල රිකිලි දළුලා වැඩෙන හැටි ඔබට දැකගත හැකවේවි.


කොහිල මල් මාළුව කොහිල දළු මාළුව වගේම කොහිල අල මාළුවද රසවත් ආරයකි. ළපටි කොහිල අල සිහින්ව ලියා අමුවෙන් සාදනු ලබන කොහිල අල සම්බෝලය ද අද ජනපි‍්‍රය ආහාරයකි.ලොකු කොහිල අල ලුණු ඇඹුල් යොදා තම්බාගෙන සිහින් කොටුවලට කපා රතුළුණු අමුමිරිස් ලියා දමා ගම්මිරිස් ලියා දමා ගම්මිරිස් කුඩු ලුණු කුඩු උම්බලකඩ කුඩු එකතු කර සාදා ගන්නා සලාදය අද තරුපහේ හෝටලවල පවා ජනපි‍්‍රය කෑමක්. කොහිල අල වලටත් දළුවලටත් මල් වලටත් අද වෙළෙඳ පොලේ හොඳ ඉල්ලුමක් ඇත. කොහිල අල ග්රුම් 500 ක් රුපියල් 75 – 150 තරම් මුදලකට අද නගරයේ අලෙවි කළ හැකියි. කොහිල මල් සහ දළු මිටියක් රුපියල් 50 - 100 තරම් වෙයි. බොහෝ විට කොහිල මල් ද ආහාරයට ගනු ලබන්නේ කොහිල දළු සමග වීම නිසා මල් ද විකණනු ලබන්නේ දළු සමගිනි.

Share:

Karawila කරවිල වගාවට කෘෂි උපදෙස්

නැවුම් එළවළු හා පලතුරු ආහාරයට ගැනීමට ඇති හොඳම මග තමන්ගේ ගෙවත්තේම වගා කර ගැනීමයි. මෙය පෝෂණය සඳහා පමණක් නොවේ මිල මුදල් ඉතිරි කර ගැනීමත් වැවීමෙන් සිදුවෙයි. ඉන් ලැබිය හැකි දැඩි ආත්ම තෘප්තිය අපමණයි. විවිධ වර්ග වල එළවළු හා පලතුරු ගෙවත්තේ වවාගෙන ආහාරයට ගත හැකි නම් ඔබටත් මේ ආත්ම තෘප්තිය, හා සතුට අත් විඳින්නට ඉඩකඩ සැලසේ. කරවිල වැලක් ගෙවත්තේ වගා කරන්නේ කොහොමද කියලා අපි දැන් විමසා බලමු. සාමාන්‍යයෙන් කරවිල වර්ග සතරක් පමණ අප රටේ වගා කෙරෙනවා.සුදු කරවිල, කළු කරවිල, මැලේෂීයන් කරවිල මේ අතරින් වඩාත් ජනපි‍්‍රයයි. එම් .සී 43 නම් ප‍්‍රභේදයට අයත් සුදු කරවිල වගා කිරීමට වඩාත් පහසුයි. කුඩා ගවත්තක වුවත් මේ කරවිල වර්ගය වවාගන්නට පුළුවන්. කරවිල වැල්කිපයක් ගෙවත්තේ වගා කර ගැනීමේදී හොඳින් පැසී ඉදුණු කරවිල ඇට - ලබාගන්න. ඒවා නිවුණු අළු සමඟ එකතු කර හොඳ වාතාශ‍්‍රයක් ලැබෙන තැනක අතුරා තබා මද අව්රශ්මියේ වේලාගත යුතුයි.


හොදින් කොටා සකසාගත් බිම කොළරොඩු පුළුස්සා ගැනීමෙන් වලාවට වඩාත් උචිත පසක් ඇති කර ගත හැකියි. අඩි පහක් හෝ හයක පරතරයක් සිටින සෙ කොටාගත් වලවල් වල කරවිල ඇට 4 බැගින් පැළකරන්න. දිනපතා උදේ හවස වතුර දැමීමත් හොඳින් කොටා සකසාගත් බිම කොළ රොඬු පුළුස්සා ගැනීමෙන් වගාවට වඩාත් උචිත පසක් ඇති කර ගත හැකියි.අඩි පහක් හෝ හයක පරතරයක් සිටින සේ කොටාගත් වලවල් වල කරවිල ඇට 4 බැගින්් පැළකරන්න. දිනපතා උදේ හවස වතුර දැමීමත් පැළ සැදුණු පසුව සෙවණ කිරීමත් අවශ්‍යයි. ගෙවත්තේ කරවිල වැල් කීපයක් වවාගැනීමේදී ගොම පොහොර හෝ කොම්පොස්ට් පොහොර හෝ පමණක් භාවිතා කිරීම සැහේ. ඇට සිටූ වීමේදී වලවල් පොහොර කරගත් පසුව මාසයකට වතාවක් පමණ පොහොර ටිකක් දැමීම ප‍්‍රමාණවත්ය. කරවිල පැළය ඉක්මණින් වැල් දුවන නිසා මැස්සක් ගසා ගැනීම හෝ ශක්තිමත් ඉපළක් සිටූවා ගැනීම ද කළයුතු වෙයි.


වැඩි අස්වැන්නට ගැළපෙන පරිදි හතරැස් මැස්සන් ගසා ගැනීම කරවිල වගාවට වඩාත් සුදුසුයි. නිසියාකාරව නඩත්තු කළ කරවිල වැලනික් මාස අටකදී පළදාව නෙලාගත හැකියි. කරවිල වගාවද විවිධ රෝගාබාධ වලට ලක්වන වගාවක් වන නිසා ඒ ගැන දැනුවත් වීමද ඔබගේ උත්සාහය අපතේ නොයෑමට හේතු වේවි. කොළ පුල්ලි හා හිටි මැරිමේ රෝගය, මුල් අවදියේ දී කරවිල වැලට ඇතිවන රෝගයි. කරල් පළගත් පසුව ද කරල් විදින පණුවන් ගෙන් බේරා ගැනීම සඳහා වෙළෙඳ රසායනික දියරයක් වතුර හා මිශ‍්‍රකොට ඉසිමෙන්ද සාර්ථක අස්වැන්නක් ලබා ගන්නට පුළුවන්. දැන් දැන් කරවිල වඩාත් ජනපි‍්‍රය ආහාරයක් බවට පත් වී ඇත.ඒ ලේ වල සීනි සාන්ද්‍රණය අඩුකර ගැනීම සඳහා කරවිල ආහාරයට ගැනීමට වෛද්‍ය උපදෙස් ලැබෙන බැවින්ය.දියවැඩියා රෝගින්ටත් ලේ අපිරිසුදු වීමෙන් රෝගී වූවන්ටත් කරවිල හොඳ ආහාරයකි. කුඩා කල සිට කරවිල ආහාරයට ගත් අයට හැර අන් අයට කරවිල ආහාරයට ගැනීමට හුරුවීම තරමක් අපහසුය. ඉතා සිහින්ව පෙති ගැසු කරවිල බැද සලාදයක් වශයෙන් පිළියෙළ කර ගැනීමෙන් ඒවා ආහාරයට ගැනීමට පුරුදු විය හැකියි.කරවිල ව්‍යාංජනයක් ලෙසින් ආහාරයට ගැනීමට මැලිකමක්දක්වන අයට අමුකරවිල සිහින්ව කපා රතු ළුණු, අමු මිරිස්, උම්බලකඩ, පොල්, දෙහි ඇඹුල්, දිය ලුණු ආදිය යොදා සාදාගන්නා කරවිල සම්බෝලයට ඉක්මනින් හුරුවිය හැකියි. ඖෂධීය ගුණයෙන් ඉහළ කරවිල වැලක් හෝ පැල කීපයක් ඔබගේ ගෙවත්තේ වගා කර ගැනීමට ඔබටත් හැකියාවක් තිබුණහොත් අඩු තරමින් රෝගියකු බලන්නට ගෙදරකට යනවිට හෝ කරල් කීපයක් කඩා අරගෙන යන්නට ඔබටත් පුළුවන්.

Share:

Search This Post

Web Archive

Follow by Email

Contact

Mobile : 077-399 72 33
Email : info.lakarana@gmail.com

Advertisement