බ්‍රසීලයේ ඊසානදිග මරන්හාවෝ ප්‍රාන්තයේදී ස්වදේශික ගුජරාජා වැසියෙකු ඝාතනය කර ඇතැයි එරට ස්වදේශ කටයුතු කාර්යංශය පවසයි.

මොහු සමග ස්වදේශික නොවන පුද්ගලයෙකු ද ඝාතනය කර ඇති අතර ඔවුන් දෙදෙනාගේ සිරුරු අමරාන්තේ නගර සභා ප්‍රදේශයේ තිබී පොලිසිය විසින් සොයාගෙන තිබේ.

පොලිසිය පවසන්නේ මොවුන් සාහසික ලෙස ඝාතනය කර ඇති බවයි.

නීති විරෝධී දැව කැපීම් වලින් වනාන්තර ආරක්ෂා කිරීමට ගුජරාජා වැසියන් කැපවී ක්‍රියා කරන අතර මීට දින හයකට පෙර ගුජරාජා සාමාජිකයන් දෙදෙනකු ද නොවැම්බර් මස මුලදී ගුජරාජා නායකයෙකු ද ඝාතනය කරනු ලැබීය.

මෙලෙස ඝාතනය කරනු ලැබූයේ නීති විරෝධී දැව කැපීම් වලින් වනාන්තරය ආරක්ෂා කරගන්නා කණ්ඩායමක නායකයෙකි.

බ්‍රසීලයේ ආදිවාසී අයිතිවාසිකම් ආරක්ෂා කරන කණ්ඩායමක සම්බන්ධීකාරවරිය වන සෝනියා ගුජරාජා පවසන්නේ මෑතකදී සිදුවූ මෙම ඝාතන වෛරය හේතුවෙන් සිදුවූ අපරාධ බවයි.

ජනාධිපති බොල්සනාරෝගේ නව ආණ්ඩුවේ පළමු වසර තුළ බ්‍රසීලයේ වන විනාශය තියුණු ලෙස ඉහල ගොස් ඇති බව වාර්තා වේ.

Post a Comment

DailyMotion

Powered by Blogger.